CENTRAL VISAYAS-Patay ang gituohang hitman ni Suspended Negros Oriental Arnolfo Teves human misukol sa mga police nga mi serve unta sa warrant of arrest nga giluwatan sa korte didto sa Barangay Malabugas dakbayan sa Bayawan.
Giila ang akusado nga si Alex Manegos Mayagma nga taga Barangay Minaba dakbayan sa Bayawan Negros Oriental nabutang kini nga Top 1 most wanted person sa Central Visayas.
Nasayran, nga aduna kini upat ka mga kasong murder nga gisang-at sa korte apan tulo lang ang na serve niini kini mao ang kasong murder ug duha ka kaso sa kalapasan sa Republic Act 10591 kun Illegal Possession of Firearms ug kalapasan sa Comelec Gun Ban.
Matod ni Police Lieutenant Colonel Gerard Ace Pelare ang spokesperson ni Police Brigadier General Anthony Aberin pangu sa Police Regional Office 7 nga sa dihang iserve na unta ang warrant niini mikuha kini sa iyang armas ug giti-on sa usa ka police nga mi resulta sa pag inilogay.
Dugang pa, nga sa dihang padulong na nga dalhon ngadto sa kampo ang akusado mi kuot pa kini sa iyang bag diin didto ang laing armas nga gisuk-suk ug buot unta nga mamusil na sa mga police nga maoy hinungdan nga mi depensa na ang mga police personnel pinaagi sa pag pusil niini.
Gidali pa pagdala si Mayagma sa labing duol nga tambalanan apan gi deklara kini nga dead on arrival.
