Nagtuo si House spokesperson ug Lanao del Sur Rep. Zia Alonto Adiong nga ang giingong hearing sa Senate Blue Ribbon Committee bahin sa mga pasangil sa 18 ka maleta boys usa ka pagsulay sa pag-balhin sa atensyon sa publiko gikan sa impeachment trial ni Bise Presidente Sara Duterte.
Sumala ni Adiong, gi-prioritize na karon sa Senado ang hearing sa Articles of Impeachment tungod kay pormal na kining natukod isip impeachment court.
Giklaro sa Senate Blue Ribbon Committee, nga gipangulohan ni Sen. Erwin Tulfo, nga walay hearing nga gikatakda sa Hunyo 16 ug wala nila giaprobahan ang anunsyo nga mikatap sa social media.
Tungod niini, si Adiong miingon nga ang pahayag sa komite nagpamatuod lamang nga ang maong kalihokan dili opisyal.
Dugang pa niini nga ang mga pasangil nagtumong usab sa pagkuwestiyon sa kredibilidad sa House prosecution team ug pagsamok sa butang bahin sa impeachment proceedings.
