Gimando ni Makati Mayor Abby Binay na ilisan ang gibutang nga signages nga “Gil Tulog Avenue” nga ibalik sa pangalan niini nga “Gil Puyat”.
Sa gipagawas nga pamahayag sa mayor nga nga nangayo kini og pasaylo sa pamilya sa namatay na nga kanhi-Senate president nga si Gil Puyat nga gihinganlan sa naasoy nga dalan sa Makati.
Ingon man nga nasubo nga wala makaabot sa iyang opisina ang pagpangayo og permit alang sa gitawag nga advertising campaign aron usbon ang mga karatula sa kadalanan sa Gil Puyat Avenue.
Dugang pa ni Binay nga ang opisyal nga mitugot sa maong pag-ilis kay wala gisusi ug wala nag-amping sa maong lakang.
Karong semanaha, nikatap sa social media ang mga hulagway ug video sa “Gil Tulog” signage sa Gil Puyat Avenue, hinungdan nga gipangutana sa mga netizen kung tinuod ba ang maong mga post, ingon man nga nakaani kini og nagkandaiyang reaksyon.
