Anaa sa South Korea ang Gilas Pilipinas aron moduwa og mga exhibition games ugmang adlawa, Biyernes ug Domingo.
Kabahin kini sa pagpangandam sa national basketball team alang sa Asian Games sa Japan.
Lakip sa mga napili nga moduwa sa Gilas Pilipinas mao sila si Zavier Lucero, Jerrick Ahanmisi, Sedrick Barefield,Don Trollano, Adrian Nocum, Brandon Bates, Robert Bollick, Brandon Ganuelas-Rosser, Justin Arana, Justine Baltazar ug RJ Abarrientos.
Matud ni Gilas coach Tim Cone nga adunay posibilidad nga maapil si Justin Brownlee apan wala pa’y sigurado.
Samtang, wala niya gilakip si Jason Perkins sa inisyal nga 30-man pool tungod sa iyang injury.
Ang Gilas Pilipinas naa sa Group C uban sa China, Bahrain ug Kazakhstan sa Asian Games.
Ang unang duwa sa Gilas ipahigayon sa Septiyembre 11 batok sa Bahrain samtang sa Setiyembre 12 ilang atubangon ang Kazakhstan ug sa Septiyembre 14 ilang atubangon ang China.
