FIBA OLYMPIC QUALIFYING TOURNAMENT-Gipildi sa Gilas Pilipinas ang Latvia sa ilang kaugalingong korte sa score nga 89-80 sa FIBA Olympic Qualifying Tournament.
Gidominar sa Gilas ang duwa gikan sa unang quarter hangtod sa kataposang kwarter diin wala gihatagan ug kahigayunan ang World Number 6 Latvia nga gipahigayon sa Riga Arena karong sayong buntag sa Huwebes sa Pilipinas.
Ang Gilas niabot lang og 26 puntos hangtod nga naus-os kini sa Latvia ngadto sa 10 puntos sa kataposang gutlo sa kataposang kwarter.
Giisip nga kasaysayan ang kadaugan sa Gilas tungod kay gawas sa ranking nga numero 6 sa Latvia, sila ang ikalima nga puwesto sa FIBA Basketball World Cup sa miaging tuig nga gipahigayon sa nasud.
Gipangulohan ni Justin Brownlee ang kadaugan sa Gilas pinaagi sa iyang 26 puntos, siyam ka rebounds ug siyam ka assists.
Sunod nilang ikasangka ang Georgia sa alas 8:30 sa gabii karong Huwebes didto sa Pilipinas diin kon modaog sila makasulod sila sa semifinals.
Sa miaging adlaw gipildi sa Latvia ang Georgia sa score nga 83-55.
