Gidayeg ni Speaker Ferdinand Martin G. Romualdez ang Gilas Pilipinas team, nga bisan pa sa ilang kapakyasan sa pagsulod sa Olympics human mapildi sa World No. 12 Brazil, nagpakita ug dili hitupngan nga determinasyon, kahanas, ug kasingkasing sa international stage sa natad sa basketball.
Sa hugot nga panagsangka, gipildi sa Brazil ang Gilas Pilipinas sa iskor nga 71-60, sa semifinal round sa FBA Olympic Qualifying Tournament.
Matud ni Romualdez nga ang journey sa Gilas sa maong torneyo kay makapadasig gumikan ang ilang kadaugan batok sa Latvia, usa ka European team, usa ka makasaysayanon nga higayon alang sa Philippine basketball ug usa ka testamento sa kalig-on ug katakus sa grupo.
Gidayeg usab sa opisyal ang mga players sa Gilas Pilipinas, si Coach Tim Cone, ug ang tibuok coaching staff sa ilang talagsaong liderato ug dedikasyon.
