Modugang og players sa ilang listahan ang Gilas Pilipinas alang sa FIBA Asia Cup sa nga ipahigayon sa Saudi Arabia sunod buwan.
Matod ni Gilas Pilipinas coach Tim Cone, ang mga players nga nadugang naglakip nila ni RJ Abarrientos, Troy Rosario, Zavier Lucero ug Rhenz Abando.
Gipahibalo kini ni Cone nga impormasyom subay sa pagsugod sa unang adlaw sa praktis sa Gilas Pilipinas alang sa torneyo gahapon, Hulyo 7.
Sila si Abarrientos ug Rosario mitambong sa praktis samtang si Lucero anaa pa sa US, ug si Abando kauban sa Strong Group Athletics, nga mosalmot sa William Jones Cup sa Taiwan.
Giklaro ni Cone nga temporaryo lang silang naapil sa listahan sa mga magduduwa sa Asia Cup nga sugdan karong Agusto 5.
Samtang, si June Mar Fajardo wala makatambong sa praktis tungod sa iyang pagkaangol sa tiil samtang sila si Justin Brownlee ug AJ Edu gipaabot nga moabot sa nasod sa umaabot nga mga adlaw.|Bombo Irene Ardiente
