Nagplano ang Gilas Pilipinas nga magpahigayon og training camp sa Seremban, Malaysia, isip kabahin sa ilang pagpangandam alang sa sunod nga window sa FIBA Basketball World Cup Asian Qualifiers.
Matod ni Samahang Basketball ng Pilipinas (SBP) Executive Director Erika Dy, gusto ni Gilas head coach Tim Cone nga ipahigayon ang pagbansay-bansay sa usa ka nasod sa Southeast Asia.
Mahimong sayo nga ipahigayon ang training camp sa Malaysia.
Apan, kung dili kini madayon, sa Pilipinas na lang himoon ang mga sesyon sa pagbansay.
Ang sunod nga FIBA window mahitabo sa Nobyembre 27 ug 29. Una nga atubangon sa Gilas ang Syria sa Nobyembre 27, dayon ang rematch batok sa Iran sa Nobyembre 29.
Tumong sa koponan nga mapaayo ang ilang kasamtangang rekord nga upat ka daog ug upat ka pilde.
