Gidominar sa duha ka mga babaye ang nasudnong eleksyon sa Mexico, gahapon, Hunyo 2, 2024 diin giisip nga usa ka makasaysayanon sa usa ka nasud nga adunay dili patas nga tratar nga misangpot sa kanpintasan ug diskriminasyon nga gibasi sa gender sa tawo.
Liboan ka mga tropa ang gipakatap aron mapanalipdan ang mga botante, subay usab sa usa ka maduguo nga proseso sa eleksyon human nga nasinati ang kapin sa duha ka dosena nga mga local politicians nga gipangpatay.
Ang kandidata nga si Claudia Sheinbaum, kanhi Mexico City Mayor ug usa ka scientist, adunay 20 porsyento nga puntos ang labaw sa iyang kaatbang nga si Xochitl Galvez.
Samtang ang nag-inusarang lalaki nga nidagan mao si Jorge Alvarez Maynez kinsang layo na ang biya.
Hinungdan nga nangangha ang kadaghanan nga babaye ang nag-una diin ilabi na nga gikatahong dili mominos sa 10 ka mga babaye ang patyon matag adlaw.
Ingon man nga giisip nga labing makasaysayanon nga panghitabo nga ang mosunod nga molingkod isip presidente sa nasud kay usa ka babaye.
Ang mananaug mag-atubang ug grabeng mga hagit, ilabina kon unsaon pagpahilum ang organisadong krimen sa kapintasan nga kapin sa 185,000 ka tawo ang gipatay sukad si Lopez Obrador milingkod sa katungdanan niadtong Disyembre 2018 ug daghan pa.
Ang bag-ong presidente, kinsa gikatakda nga magsugod sa unom ka tuig nga termino sa Oktubre 1, mag-atubang usab sa sunod-sunod nga tensiyonado nga negosasyon sa Estados Unidos bahin sa dagkong mga dagan sa mga migrante nga nagpadulong sa US nga mitabok sa Mexico ug ang kooperasyon sa seguridad sa pagbaligya sa drogas sa dihang ang epidemya sa fentanyl sa US miulbo.
