Nanawagan og hustisya ang ginikanan sa usa ka 14-anyos nga naligsan sa usa ka modern jeepney driver, nga giingung nakatulog atol sa pagbiyahe sa Archbishop Reyes, Bario Luz, niadtong Huwebes, pasado alas 2 kadlawn, Abril 30, 2026.
Gihimug-atan ni Catherine Regis Labra, ang Inahan sa biktima nga iyang gitoohan nga iyang anak buot pa unta mabuhi apan tungod sa wala dayon ma atiman sa doktor sa maong tambalanan hinungdan nga nabugtoan kini sa iyang hinulamang kinabuhi.
Giila ang biktima nga si Zhyrine Regis Labra, 14-anyos, taga Englis V. Rama, Brgy. Guadalupe, Dakbayan sa Sugbo.
Sa inisyal nga imbestigasyon sa Traffic Enforcement Unit-Cebu City Police Office (TEU-CCPO) giingong samtang naglakaw ang biktima daplin sa karsada uban ang iyang mga higala kalit lang nabangga-an ang biktima sa nipidpid nga MPUJ nga gimaneho sa driver nga si Junel Oman, 28 anyos, lumad nga taga Balamban apan temporaryong nanimuyo sa Sitio Mahayahay, Brgy. Apas sa naasoyng Dakbayan.
Daling gitabang ang biktima kinsa grabeng nakaangkon og pag-ka angol sa ulo ug wala nay panimuot.
Samtang padayon pa ang imbestigasyon sa mga kapulisan ug gipaubos sa mandatory alcohol and drug testing ang driver subay sa RA 10586 o “Anti-Drunk and Drugged Driving Act of 2013”.
Sapagkakaron, gihikay na ang kasong reckless Imprudence resulting to homicide ang suspek.
