Usa ka babaye sa Estados Unidos nag-antos sa grabeng impeksyon sa ilong nga nagsugod tungod sa utot sa iyang uyab.
Matod ni Christine Connell, nagsugod ang iyang sakit niadtong 2016.
Sumala sa iyang istorya, naghigda kini sa katre sa dihang kalit nga nangutot ang iyang boyfriend.
Sa sinugdanan, hapsay ang ilang pangatulog apan sa paglabay sa pipila ka adlaw, si Christine nibati na og barado sa ilong, labad sa ulo, sip-on ug hilanat.
Migrabe pa ang mga sintomas ug milungtad og daghang katuigan hangtod napugos siya sa pagpa-check up sa doktor.
Nasuta nga adunay E. coli bacteria sa iyang sinuses. Ang E. coli sagad makita sa tinai ug dili sa ilong.
Matod sa mga eksperto, posibleng nisulod sa lawas ni Christine ang bacteria bisan og huyang ang immune system niini.
Gisulayan niya ang daghang mga pamaagi apan ang impeksyon nagpadayon sa pagbalik.
Bisan pa niini, gikonsiderar sa doktor ang operasyon aron makuha ang natakdan nga tissue sa iyang ilong.
Gipahinumdoman sa doktor ang babaye nga dili balewalaon ang mga sintomas ug sa sayo pa, dad-on sa doktor ang aron dili mograbe.
