Gisuportahan sa Philippine National Police (PNP) ang kasamtangang warrantless arrest nga kaniadto gitugutan sa Commission on Elections (Comelec) ubos sa Comelec Resolution no. 11104.
Matud pa ni PNP-Public Information Office Chief Col. Randulf Tuano, dili tinuod nga ang Director sa Legal Service sa ilang han-ay adunay o mi-issue og memorandum nga sukwahi sa kaugalingong mando sa PNP.
Matod niya nga wala’y gipagawas nga memorandum ang Legal Service sa ilang han-ay ug gani suportado usab nila ang kawsa sa Comelec, ilabi na kon nakalapas gyud ug naa sa rekisitos sa mga pamaagi sa ilang han-ay ang mga madakpan.
Siya miingon nga ang mga pagdakop kinahanglan nga himoon tungod sa “committed”, “actually committing” o “about to commit” sa mga sayop o krimen.
Samtang, ang PNP nihatag ug mga kasamtangang updates kalabot sa mga insidente nga natala karong buntag sa wala pa magsugod ang piniliay.
Sa report sa Police Regional Office 9 (PRO9), adunay usa ka biktima sa pagpamusil sa Zamboanga sa rehiyon ug naigo sa ulo samtang ang laing biktima wala maunsa. Matod sa PRO9, kasamtangang gisusi sa ilang ground personnel ang dapit diin narekober nila sa crime scene ang kapin sa 19 ka kabhang sa 5.56 mm nga bala ug pito ka 45 mm nga bala.
Sa habig sa Police Regional Office sa Bangsomoro Autonomous Region, wala usab kumpirmado ug wala pay opisyal nga taho nga adunay mga magtutudlo nga nagserbisyo sa electoral board nga niatras karong eleksyon.
Sa laing bahin, ang ubang mga natala nga insidente padayon pa nga giberipika ug wala pa makumpirma nga kini mga insidente nga adunay kalabotan sa eleksyon.
Gipasalig ni Col. Si Tuano niingon nga malinawon ang nagpadayon nga eleksiyon sa tibuok nasod ug dili kini makaapekto sa aktuwal nga resulta ug seguridad sa piniliay.
