CEBU CITY-Gipangita karon ang gitoohang druglord nga si Peter Lim human nga wala makit-i sa Mabolo PNP ug Special Weapons and Tactics (SWAT) atol sa pagserve sa warrant of arrest niini sa iyang pinuy-anan sa Brgy. Mabolo niining dakbayan kagabii.
Kini human nga nagpagawas og Order ang Makati Regional Trial Court og warrant of arrest batok kang Lim human nga nakitaan og probable cause ug conspiracy kun sabwatan nila sa giilang drug lord nga si Kerwin Espinosa sa illegal drug trading sa Visayas.
Si Lim ang gitudlong supplier sa shabu kang Espinosa ug sa mga cohorts niini nga sila Marcelo Adorco ug Ruel Malindangan.
Gipanguluhan sa Criminal Investigation and Detection Group (CIDG-7) ang pagpangita kang Lim.
Matud sa hepe sa CIDG-7 nga si PSSupt Lito Patay nga gihuwat nila karon ang kamanduan gikan sa taas ug ang kopya sa warrant ayha nila sugdan iug pangita si Lim.
Mahinumduman na nadismiss ang kaso sa iligal nga drogas batok kang Lim ug Espinosa niadtong nakalabay nga tuig tungod kay matud pa huyang ebidensya.
