Mipahayag si Department of Budget and Management (DBM) Secretary Amenah Pangandaman nga ang pagdoble sa subsidy sa Philippine Health Insurance Corporation (PhilHealth) sa 2026 nga maoy labing haom nga aksyon kon ang Korte Suprema mumando nga ibalik ang P60-bilyones nga pundo gikan sa nasudnong panudlanan.
Kini taliwala sa nagkadako nga panginahanglan sa publiko nga ibalik ang mga pondo sa health state insurer sa nasud nga usa ka butang nga gitun-an na sa korte.
Matod niya nga kung kinahanglan ibalik ang pondo, ang interpretasyon niini mao nga kinahanglan usab nga doblehon ang subsidy nga gigahin sunod tuig.
Ang kalihim nihatag og ehemplo nga kon momando ang SC nga ibalik ang pundo, kinahanglang doblehon ang P60-bilyones nga subsidy ngadto sa P120-bilyones.
Sa dihang gipangutana kon ang subsidy increase ba gipaabot sa 2026 budget, ang kalihim niingon nga depende kini sa desisyon sa korte.
