Gipaniguro sa gobyerno nga magamit ang gikinahanglang pundo alang sa mga lakang nga ipatuman ug makatubag sa panginahanglan sa igong suplay sa tubig alang sa 40 milyones ka mga Pilipino nga kulang sa serbisyo.
Gipasabot ni DENR Undersecretary Carlos David nga gawas sa pundo sa gobyerno, ang gobyerno nagtan-aw sa posibilidad nga makakuha og mga pautang gikan sa mga government development partners ug mga organisasyon.
Matud pa niini nga gitan-aw niini ang mga tinubdan sa pundo o ang pundo sa gobyerno, ingon man ang mga pautang gikan sa mga kasosyo ug organisasyon.
Gani, iya usab nga gipahibalo si Presidente Ferdinand Marcos Jr. nga ang gobyerno maka-isyu og government bond, alang sa mga proyekto sa tubig.
Gawas pa niini, niingon kini nga anaa usab ang suporta gikan sa pribadong sektor.
