Girekomendar sa international law expert nga si Atty. Ralph Sarmiento nga ang gobyerno sa Pilipinas mokontak dayon sa mga French authorities human sa pagpagawas sa impormasyon nga si Zaldy Co nag-aplay og asylum sa nasud.
Gikataho nga ang special team wala molampos sa pagdakop kang Co sa kustodiya sa mga awtoridad sa Czech Republic human sa mga report nga bag-o lang siyang na-intercept sa imigrasyon.
Giinsistir ni Sarmiento nga ang gobyerno kinahanglan nga i-verify dayon kini ug kontakon angrench government aron babagan ang hangyo.
Matod niya nga importante alang sa gobyerno nga ipakita nga ang aplikasyon sa asylum ni Co walay basehanan tungod kay walay political persecution batok kaniya dinhi sa Pilipinas.
Dugang usab niini nga ang Pilipinas kinahanglan nga ipakita nga walay hulga sa kinabuhi ni Co ug hinoon ang gobyerno naggukod lamang kaniya aron manubag siya sa iyang pagkalambigit sa sunod-sunod nga mga kaso sa korapsyon dinhi sa Pilipinas.
Sa pagkakaron dili klaro kung asa nga nasud si Zaldy Co, human sa iyang pipila ka bulan nga pagpuyo sa gawas sa nasud sukad mibiya sa Pilipinas sa tunga-tunga sa ika-3 nga kwarter sa 2025.
