Nihatag ang gobyerno sa Amerika og P84 milyon o $1.5 milyones nga humanitarian assistance alang sa mga biktima sa bagyong Kristine.
Matod sa US Embassy nga nakabase sa Manila, kini nga pundo usa ka augmentation sa nagpadayon nga paningkamot sa US Agency for International Development (USAID) sa pag-apod-apod sa lifesaving assistance alang sa mga naapektuhan sa bagyo sa Bicol ug Batangas aron makabangon nga luwas ug adunay dignidad.
Ang Embahada usab miingon nga pinaagi sa maong mga pundo, ang USAID makahatag og gikinahanglang serbisyo sama sa limpyo nga tubig, sanitation, ug financial assistance.
Ingon man nga ang ahensya motabang usab sa paghatag og logistic support sa pagdumala sa mga evacuation center.
Sa laing bahin, unang gitabangan sa USAID ang Office of the Civil Defense niadtong Domingo, Oktubre 27 sa pag-apod-apod sa shelter-grade tarpaulins ug household relief kits sa Bicol pinaagi sa C-130 nga gihatag sa gobyerno sa Singapore.
Diin ang mga butang nga hinabang sa kalamidad gibutang usab sa OCD humanitarian relief depot sa Fort Magsaysay, usa ka EDCA site sa Nueva Ecija.
