Gikatahong migamit og sledgehammer ang usa ka kawatan sa pagkawat sa gold-plated nga inidoro sa Blenheim Palace, England, nga nagkantidad og £2.8 milyones o kapin sa P2 bilyones.
Ang inidoro, nga giulohan og “America” sa Italyano nga artista nga si Maurizio Cattelan, nga gikatakda nga i-exhibit
sa usa ka karaan nga balay sa Oxfordshire sa dihang nahitabo ang pagpangawat.
Diin gibana-bana nga motimbang og 98kg ug 18-carat, fully functional, ug insured sa $6 million ang bulawan nga inidoro.
Giila ang suspek sa pagpanulis nga si Michael Jones, 39-anyos nga taga Oxford apan mihimakak sa pasangil.
Laing duha ka lalaki ang giila sa korte nga sila si Frederick Sines, 36-anyos, taga Winkfield, Berkshire, ug Bora Guccuk, 41, taga London, kinsa mihimakak usab sa akusasyon nga kakunsabo sa pagbaligya sa golden toilet.
Atol sa husay nga gihimo sa Oxford Crown Court, giingong gibilin sa mga kawatan ang mga sledgehammers sa lugar aron gamiton nga ebidensya batok kanila. Giingong gigamit usab sa mga suspek ang pulong nga “car” isip code sa mga gikawat nga bulawan, dayon gibalhin sa usa ka alahero sa Hatton Garden.
Ang mga suspek giingong mainampingong nagplano, uban sa lima ka mga lalaki nga mitabang sa pagsulod sa sirado nga mga ganghaan sa Blenheim Palace, gamit ang duha ka kinawat nga mga sakyanan.
