Subling gidepensahan ni Department of the Interior and Local Government (DILG) Secretary Benhur Abalos ang mga aksyon nga gihimo sa Philippine National Police (PNP), partikular na ni Police Brigadier General Nicolas Torre III, sa pagdakop kang Kingdom of Jesus Christ leader Apollo Quiboloy.
Matod ni Abalos, bisan pa sa mga pagsaway ug bashing nga nadawat sa kapulisan, maayo gihapong nahimo ni Torre ug malampusong natuman ang iyang trabaho.
Dugang pa niini nga usa ka ‘maayong pulis’ si Torre nga nag-atubang sa tanang hagit aron lang mapatuman lang ang balaod.
Gitataw pa sa opisyal, nga iyang dawaton ang mga pagsaway sa nasudnong kapolisan, apan dili ikalimod nga nahimo sa PNP ang ilang trabaho ug iya kining gipasigarbo.
Ingon man nga dili lang alang kang Torre kon dili lakip na kang Chief Marbil ug sa tibuok sakop sa kapulisan nga mapasigarbuhon kini taliwa sa mga bash nga ilang nakuha.
