CEBU CITY – Gibanatan ni Governador Gwendolyn Garcia ang kaatbang niini human nipagawas kini og komento kabahin sa paggamit sa dakong media budget sa Capitolyo.
Kahinumduman, nga ni-awhag si BARUG Alang sa Kauswagan ug Demokrasya (Bakud) gubernatorial bet Ace Durano sa Capitolyo sa paggamit sa dako nga media budget aron palapdan ang information drive kabahin sa benipisyo sa bakuna aron masulbad ang mga pagduha-duha ug mapaayo ang paggamit sa bakuna sa probinsya.
Sa usa ka pamahayag ni Gov. Gwen, ginganlan niini ang kaatbang nga usa ka “Johny Come Lately.”
Matod pa sa gobernadora, nga inay nga hisgotan ang kalapdad sa coverage sa Sugbo News mas angayang lantawon sa kaatbang niini ang mga taho kung pila ka mga medical equipments ang gipanghatod sa matag ospital sa matag distrito.
Gibasa usab ni Gwen ang pipila ka mga equipment nga napalit sa Capitolyo diin mibutyag kini nga pipila sa makina usab nga gamitonon sa tambalan ang wala niini masabti.
Pipila usab kahigayon nga gigamit sa gobernadora ang pulong nga “ACEtoryahi” sa iyahang nahimong pamahayag./ BJR
