CEBU CITY-Gikalipay ni Cebu Provincial Governor Gwendolyn Garcia nga gitugot na sa Inter Agency Task Force (IATF) ug sa Department og Interior and Local Government (DILG) ang motorcycle backriding.
Matud ni Garcia nga hagbay ra kining yango-ngo sa publiko gumikan kay sagad sa mga Sugbuanon, bugtong motor lang ang gamit sa transportasyon.
Hinungdan nga nalipay ang gobernadora sa pagkonsiderar sa IATF ug DILG niini ug sa pagkakaron naghuwat nalang matud pa sa guidelines niini ang probinsya ilabina karon nga gipaubos na ang Cebu Province sa Modified General Community Quarantine (MGCQ).
Kahinumdumang miluwat si Garcia ug Executive Order (EO) kalabot sa pagpabalik sa motor backriding sa probinsya apan gitambagan kini sa DILG nga dili ipadayon sanglit mamaligro matud pa ang katungdanan niini.
Wala dayon naminaw ang gobernadora sa tambag sa DILG apan sa dihang gimando ni Presidente Rodrigo Duterte nga dili pa kini pwede, wala na mamugos pa si Garcia.
