CEBU CITY — Gi-isnab na lang ni Cebu Governor Gwendolyn Garcia ang negosasyon sa WT Construction, ang kontrobersyal nga contractor sa multi-billion peso project nga Capitol Resource Center.
Matud ni Garcia nga, “thanks but no thanks” na lang ngadto sa contractor human sila mipaabot og “fillers” nga gustong makignegosyar sa Provincial Capitol.
Dugang pa niini nga “indispensable” ang contractor maong nagmagahi sila sa pagpahunong sa pagkubkob sa luna, partikular na sa kanhi pwesto sa Baex Building.
Nasayran nga adunay mga maayong mulupyo nga gustong motabang sa pag-fill-in sa kinubkob nga luna sa kilid sa Provincial Capitol Building.
Gihimug-atan sa gobernadora nga wala mitubag ang WT Construction sa ilang komunikasyon human nga nahunong ang pagpatukod sa maong building.
Gilaraw hinuon ni Garcia nga angayang ibalik ang parking space sa maong luna samtang gitan-aw pa kung unsang building ang pwede pang matukod.
