Gipaubos sa preventive suspension si Cebu Governor Gwendolyn Garcia, sa Office of the Ombudsman, kini human sa gipasaka nga administrative complaint ni Moises Garcia Deiparine, nga naglangkob sa mga pasangil sama sa; grave abuse of authority, gross misconduct, serious dishonesty, gross negligence, ug conduct prejudicial to public service, nga kalapasan sa ubos sa Republic Act No.6713.
Matud pa ni Deiparine, gi-ingung mi-isyu si Garcia og Special Permit sa Shalom Construction, Inc. niadtong Mayo 14, 2024 nga walay Environmental Compliance Certificate o Certificate of Non-Coverage gikan sa Department of Environment and Natural Resources.
Hinungdan nga nimando ang Office of the Ombudsman nga ipaubos sa preventive suspension si Garcia sa unom-ka buwan nga walay bayad ug walay laing makababag niini gawas lang sa usa-ka competent court.
Sa pikas bahin, mipahayag usab ang Gobernadora nga ang gi-isyu nga permit niini agi-lamang sa pagtubag sa grabeng kanihit sa tubig nga nakaapekto sa dakbayan sa Sugbo ug kasikbit nga mga lokalidad ubos sa Metropolitan Cebu Water District.
Gihimug-atan usab ni Garcia, nga ang maong mga lakang gihimo sa koordinasyon sa mga hingtungdan nga ahensya ug awtoridad ug dili sa kaugalingo’ng interes.
Dugang pa sa Gobernadora, wala kini masayud nga gikiha kini, ug matud pa gikinahanglan ang pag-aprobar sa Comelec niining kasoha.
COMELEC 7, walay hurisdiksiyon kalabut sa preventive suspension ni Gov. Gwen Garcia
Walay hurisdiksiyon ang Commission on Election – Central Visayas sa bag-o lang nga gipagawas nga desisyon sa Office of the Ombudsman batok kang Gov. Gwendolyn Garcia kagahapon, Abril 29, 2025.
Kini may kalabut sa gipasaka nga administrative complaint ni Moises Garcia Deiparine, nga naglangkob sa mga pasangil sama sa; grave abuse of authority, gross misconduct, serious dishonesty, gross negligence, ug conduct prejudicial to public service, nga kalapasan sa ubos sa Republic Act No.6713.
Matud pa ni Atty. Francisco Pobe, ang regional director sa Comelec-7 nga walay hurisdiksiyon ang Comelec sa pagdesisyon sa kaso ni Garcia, sanglit ang Department of Interior and Local Government Unit ang adunay gahum nga mopahamtang niini.
Sapikas bahin, giklaro usab ni Pobe, nga walay bisan-usa nga elected officials ang ma-suspendido sugod sa election period, gawas kung adunay desisyon ang Ombudsman o ang Tribunal maykalabut sa seguridad sa intiro nasud. | (Bombo Nathaniel Sandoval)
