CEBU CITY — Gibanatan ni Cebu Provincial Governor Gwendolyn Garcia ang Public Relations Officer sa Cebu Medical Society Dr. Peter Mancao kabahin sa COVID-19 cases sa probinsya.
Kini human nga mipahimangno ang doctor kalabot sa posibleng pagsaka sa kaso sa COVID-19 sa Probinsiya kung ibaliwala sa mga residente ang mga health protocols.
Nabantayan matod pa niini nga daghang mga indibidwal ang nagsul-ob og face masks ug wala nag-obserbar sa physical distancing.
Una niini giklaro sa Department of Health (DoH-7) nga wa’y pagsaka sa ihap sa COVID-19 cases sa Cebu Province.
Gipunto sa gobernadora nga daw sa wala mabantayi niini ang kahago ug ang mga pagpanigkamt sa maga Mayor alang malikayan na ang pagkuyanap pa sa coronavirus.
Lakip usabsa gibutyag sa opisyal ang ka-importante sa pagpanuki-duki una mobutyag ug pamahayag kalabot sa kaso sa COVID-19 sa lalawigan sa Sugbo. /report by Bombo Eric Amaro/EKP/GN
