PROVINCE OF CEBU- Napili isip Vice President for Ways and Means sa League of Provinces of the Philippines (LPP) si Cebu Provincial Governor Pamela Baricuatro atol sa Special General Assembly sa LPP sa Edsa Shangri-La, Mandaluyong City, gahapon, Setyembre 2, 2025.
Nagkahiusa ang mga gobernador gikan sa nagkalain-laing probinsya sa nasud aron hisgutan kung unsaon pagpalig-on ug pag-institutionalize sa papel sa mga probinsya sa pagplano ug pagpatuman sa mga proyekto sa national government sulod sa ilang tagsa-tagsa ka hurisdiksyon.
Kabahin kini sa panawagan ni President Ferdinand “Bongbong” Marcos Jr. alang sa accountability, transparency, fairness, ug prior consultation sa tanang mga infrastructure projects sa gobyerno.
Subay niini, mapasalamaton si Gov. Baricuatro sa pagsalig nga gihatag kaniya sa LPP ug mipadayag sa iyang tinguha nga ipadayon ang serbisyo nga puno sa integridad ug panaghiusa alang sa kaayohan sa nasud.
Karong buntag, Setyembre 3, gipangulohan usab ni Marcos ang oath-taking ceremony sa mga bag-ong napiling LPP officers didto sa Kalayaan Hall, Malacañang Palace.
