CEBU CITY – Mikabat sa kapin usa ka milyon ka piso nga kantidad sa marijuana ang na-ibut sa mga otoridad sa Sitio Himatungan, Barangay General Climaco, dakbayan sa Toledo, probinsiya sa Sugbo.
Sa pakighinabi sa Bombo Radyo Cebu kang SPO1 Bartomiano Gargar sa Toledo PNP, gisaysay niini nga nakadawat sila ug tawag gikan sa usa ka concern citizen nga adunay planta sa marijuana sa nahisgutang dapit.
Dali kini nila nga girespondihan ug sa ilahang pag-abut sa area, naaktohan nila nga nag-harvest si Vinancio Canillo apan dali kini nga naka-eskapo.
Na-ibut sa mga otoridad ang kapin 3,000 fully-grown marijuana, 250 newly-grown marijuana, ug 2,000 marijuana seedlings nga adunay gibug-atun nga 3,900 gramos.
Nasayran nga usa ka government property ang yuta nga gitamnan sa maong mga marijuana.
