-- ADVERTISEMENT --
CEBU – Subling gihimug-atan ni Cebu Provincial Governor Gwendolyn Garcia nga dili na niini tugotan maglisod pa ug samot ang mga Sugbuanon gumikan sa mga lockdown.
Kini bisan pa man matud pa, adunay mga nanggawas nga bag-ong variants sa COVID-19 ingon man ang hulga sa Monkeypox.
Matud ni Garcia nga igo na ang pagbaligya sa mga face mask, face shield, RT-PCR, anti-gen test, diin bugtong ang mga health officials lang ang nakasapi gumikan sa ilahang mga business agenda.
Gitino niini nga kanunay ang iyahang pagbarug alang sa kaayohan sa mga Sugbuanon nga dili na maglisod sa ilahang mga panginabuhi-an ug subling makabangon human nga nawagtangan ug mga trabaho ug negosyo gumikan sa pandemya.
