CEBU CITY-Dili uyon si Governor Gwen Garcia nga sirad-an ang Cebu South Bus Terminal atol sa ipahigayon nga solemn foot procession ug sa Sinulog Grand Parade 2024.
Matod pa ni Garcia nga maapektuhan niini ang iyahang mga konstituente sa probinsiya tungod kay ug sirad-an ang CSBT dili na hinoun makabyahe sa ilang destinasyon.
Gimandoan usab sa Gobernadora ang kapulisan nga siguraduhon nga masunod kung unsa ang makaayo sa mga katawhan ingon man ang pagpatuman sa mga lakang nga nahaom sa maayong paminsar sa usa ka tawo.
Dugang niini nga basin ang taga Cebu City Transportation Office kon CCTO nalimot nga ang Cebu Provincial Government maoy tag-iya sa nahisgutang terminal.
Giklaro usab sa Gobernadora nga kung ipugos sa kagamhanan sa syudad nga ang terminal sirad-an, ang gobernadora na mismo ang mobaraw niini tungod kay sa iyahang paghulagway tumong niini ang paglisod-lisod sa mga residente sa probinsya.
