Governor Gwen Garcia miladlad sa tanang mga malampusong proyekto niini sa probinsiya sa iyahang “A thousand and 100 days” State of the Provincial Address

CEBU – Mitambong ang mga mayor sa kinatibuk-ang lalawigan sa Sugbo, ingon man ang mga mayor sa tri-cities, lakip na usab ang pipila ka mga kongresista, sa State of the Provincial Address (SOPA) ni Cebu Provincial Governor Gwendolyn Garcia.

Giladlad ni Governor Garcia ang tanang mga nahimo niini sulod sa lima ka termino hinungdan nga kini gitawag ug “A thousand and 100 days” ug kini gipaagi sa usa ka audio-visual presentation.

Mapasalamaton ang gobernadora sa pagtambong sa mga nagkadaiyang opisyal diin kini nagpakita sa panaghi-usa ug pagtinabangay nga mao ang nagpalig-on sa One Cebu Island.

Nahimong espesyal ang SOPA ni Garcia gumikan kay kini usab ang iyahang ika-67 katuig nga adlaw nga natawhan karung adlawa.