Governor Gwen tumanon ang saad nga patas-an ang honoraria sa mga barangay workers

CEBU – Gipaabot sa mga trabahante sa barangay sa lalawigan sa Sugbo ang usbaw sa ilang honorarium gikan sa kagamhanan sa lalawigan sa Sugbo.

Kini human gibutyag ni Cebu Governor Gwendolyn Garcia nga tumanon niini ang iyang saad sa mga trabahante sa barangay nga hatagan sila og dugang honorarium matag tuig.

Nasayran nga ang barangay health workers, barangay nutrition scholars, barangay health aide ug uban pang barangay worker adunay katungod sa P4,000 nga honorarium gikan sa Kapitolyo.

Apan, wala pa mahisguti kung pila ang mamahimong usbaw sa mga barangay tanods.

Nalakip usab sa nahisgutang honorarium ang Gender and Development (GAD) focal persons ug mga sakop sa lupong tagapamayapa nga gikan sa Kapitolyo nga mokabat ngadto sa P1,000.