Gikatakdang magpahigayon sa ilang pinakaunang panagtagbo ang bag-ong gitukod nga Governors for Good Governance diri sa Sugbo sa unang semana sa Oktubre 2025.
Gipasiugdahan kini ni Cebu Provincial Governor Pamela “Pam” Baricuatro diin ang maong koalisyon kay nanukad sa ligdong na pundok nga Mayors for Good Governance kinsa gilangkoban nilang Quezon City Mayor Joy Belmonte, Pasig City Mayor Vico Sotto, ug Baguio City Mayor ug Independent Commission for Infrastructure Special Adviser Benjamin Magalong.
Nagtinguha sa sumanag punto ang hugpong sa mga gobernador batok sa kurapsyon sa mga local government units.
Gianunsyo ni Baricuatro ang umaabot panagtagbo sa gurpo atol sa pamahayag niini niadtong Miyerkules, Septiyembre 24 nga nagpakita sa repormang gipasiugdahan niini diri sa Sugbo nga mamahimong tamdan sa ubang probinsya.
Usa sa mga mahinungdanaong lakang nga nasugdan na diri sa Sugbo kay mao ang pagsapublikar sa Bids and Awards Committee session pinaagi sa pag-livestream niini sa internet nga nagwala pa pipila ka mga kabalaka sa “rigging” sa subasta sa kontrata sa gobyerno.
Matod ni Baricuatro nga ang Governors for Good Governance kay magduso sa transparensiya ug pagkamay tulubagon sa mga kagamhanang lalawigan ug ipatigbabaw ang kaayohan sa kadaghanang og dili sa politikanhong interes lamang
