Gihimak sa chancellor sa University of the Philippines nga nahimong estudyante sa UP si Alyssa Sumulong.
Kung diin ang maong indibidwal ang giingun nga graduate sa highschool ug college sa kurso nga Bachelor of Science in Mathematics sa UP-Cebu Graduate ingun man nahimong Communist NPA terrorist.
Kini human nga nasikop si Sumulong sa usa ka engkwentro niadtong Abril 16 sa Barangay Guadalupe, San Carlos City, Negros Occidental.
Matud ni Atty. Liza Corro, ang chancellor sa University of the Philippines-Cebu nga wala nahimong estudyante si Sumulong sa UP gumikan nga wala man man kini record nga nagpamatuod nga gikan kini sa maong unibersidad.
Matud pa niini nga dili sila ang angayan nga imbestigahan kalabot sa maong isyu sanglit wala man matud pa silay connection ni Sumulong.
Una na nga narecover ni Sumulong, sa dihang nasikop kini, ang usa ka diary diin nakasuwat ang kahagip-ot nga kasinatian sa kamot sa mga kaubanan niini nga NPA.
Nakasuwat usab sa maong diary niini kung kapila kini kahigayun nga gi-harrass sa mga kaubanan pinaagi sa paghikap matud pa sa pribado niini nga parte sa lawas ingun man ang suway nga paglugos.
Nasayran usab pinaagi sa diary ni Sumulong nga gipaubos kini sa CNT training niadtong Nobyembre 2011 ug nahimo nga full time member niadtong tuig 2012.
Sa pagkakaron, padayun pa nga givalidate sa AFP ang maong insidente.
