Nanawagan ang Project Paghilom kang Senador Ronald ‘Bato’ dela Rosa nga mosurender ug moatubang sa kaso batok kaniya.
Si dela Rosa karon nag-atubang og warrant of arrest gikan sa International Criminal Court human siya maapil sa kaso sa crimes against humanity nga nalambigit sa kampanya kontra droga ni kanhi Presidente Rodrigo Duterte.
Matod sa Project Paghilom, ang pagbiya ni dela Rosa gikan sa kustodiya sa Senado sayo niadtong Huwebes sa buntag usa ka klarong pagsulay sa paglikay sa tulubagon ubos sa balaod.
Giingon sa coordinator sa grupo nga si Randy Delos Santos nga si dela Rosa kinahanglan moatubang sa mga alegasyon batok kaniya.
Dugang niya, kaniadto maisog ug determinado ang senador sa pag-ingon nga iyang atubangon ang kaso, apan karon daw nabag-o na ang iyang baruganan.
Kahinumduman nga si Acting Senate Sergeant-at-Arms Mao Aplasca miingon nga si dela Rosa mihangyo nga ibutang siya sa kustodiya sa Philippine National Police, usa ka lakang nga gisupak sa kampo sa mga biktima sa gubat kontra droga.
