Personal nga miabut sa sibyaanan ang mga kadag-kuan sa grupo sa Alpha Kappa Rho nga sila si Christopher Sandrae Cabigon, ang Chairman sa Cebu Grand Council Inc., Alvin Cinco, ang Cebu Grand Council of the Philippines – Visayas NVGS ug si Jufferson Yosores, ang Chairman sa Cebu City North District, aron nga paundayonan ang hiniusa nga tumong kauban ang kinatibuk-ang puwersa sa Bombo Radyo Philippines ug Bombo Radyo Cebu alang sa pagpahigayun sa tinuig nga bloodletting activity.
Matud ni Cabigon, nga daan nang adunay adbokasiya ang grupo sa Alpha Kappa Rho, diin magpahigayun ug mga community service activities aron makatabang sa isig ka tawo.
Dugang pa niini nga usa sa ilang tuyo ug tumong mao ang paghatag ug pagtagad sa panglawas hilabi na nga dili makaya sa gobyerno nga matabangan ang tanan hilabi sa panginahanglanon sa dugo, hinungdan nga nagpabilin silang commited sa pagdonar ug dugo kauban ang Bombo Radyo Philippines nga tinuig nang gipahigayon.
CUE IN: Christopher Sandrae Cabigon, ang Chairman sa Cebu Grand Council Inc.,
Matud usab ni Yosores, nga magpadayun pa gihapon silang moaghat ug mga partisipanti ug gihimug-atan nga paningkamotan sa grupo nga mas daghan pa ang mo partisipar sa ilang grupo aron usab nga mas daghan ang matabangan.
Samtang Pormal ng nagpinirmahay ang Bombo Radyo Cebu pinangulohan sa Bombo Radyo Cebu Station Manager Mary Divine Cuello ug ang kadagkuan sa Alpha Kappa Rho sa Cebu Grand Council Inc. pinaagi sa usa ka Memorandum of Agreement kagahapong adlawa, Oktubre 16.
Sa pikas bahin, miawhag usab ang kadagkoan sa mga grupo niini nga makiglambigit sa hiniusang bloodletting activity kauban ang Bombo Radyo Cebu nga gitawag ug Dugong Bombo: A little pain A life to gain sa umaabot Nobyembre 15, 20225.
