Nidaog ang Golden State Warriors batok sa Dallas Mavericks sa NBA Christmas games gahapong adlawa, Disyembre 26.
Gipangulohan ni NBA star Stephen Curry ang kadaugan sa GS, gamit ang 23 points gikan sa iyang 6 ka field goal ug 9 ka free throws.
Nipakita usab og maayong performance ang mga bench players sa Warriors human sila nakapuntos og 64 points, diin upat sa mga bench players sa team ang nakapuntos og double-digits, pinangunahan ni De’Anthony Melton.
Napugngan sa Warriors ang comeback attempt sa Dallas, pinangunahan sa rookie nga si Cooper Flagg, kinsa nakapuntos og 27 points ug 6 ka rebounds.
Sa unang quarter sa duwa, ang Golden State diha-diha dayon naka-40 points samtang ang Mavs nakapuntos lang og 28 points.
Naningkamot ang Dallas nga makabangon gikan sa ika-3 hangtod ika-4 nga quarter apan bisan pa sa dominanteng run, nakabawi lang kini og 3-point deficit gikan sa 1st-quarter deficit nga ilang naangkon.
Nakapuntos og 14 ka 3-pointers ang Golden State sa tibuok duwa samtang ang Mavs nakapuntos lang og 4 ka tres.
Tungod sa kadaugan, ang GS mibalik sa ibabaw sa .500, nga adunay 16-15 nga win-loss record, samtang Dallas, sa laing bahin, adunay 12-20 nga record.
