Wala nakitaan sa national security adviser sa Israel nga mahuman ang gubat sa Gaza, gani giingong possible pa kini nga molungtad hangtod sa katapusan sa tuig 2024.
Matud ni Tzachi Hanegbi nga ilang gilauman nga ang panagbangi sa Gaza magpadayon sa sunod pito ka buwan aron hingpit nga maguba ang mga kapabilidad sa Hamas ug ang grupo sa Palestinian Islamic Jihad.
Gidepensahan usab niini ang military operation sa Hamas sa Rafah, nga nahimong dangpanan sa mga sibilyan aron luwason ang ilang kaugalingon gikan sa pagpamomba sa Gaza.
Kini bisan pa nga ang International Court of Justice nagmando kanila sa paghunong sa pag-atake sa Rafah.
Ingon man nga nipadayag ang ubang nasud lakip ang Egypt sa ilang pagsupak sa nagpadayon nga operasyon sa Israel sa Rafah tungod kay giingon nga hulga kini sa nasabutan nga kalinaw.
