Gikompirmar sa Commission on Elections nga ilang ipagawas karong semanahuna ang guidelines sa pag-file sa Certificate of Candidacy ug Certificate of Nomination and Acceptance alang sa umaabot nga 2025 midterm election.
Matod ni Commission on Elections spokesperson John Rex Laudiangco, lakip sa ilang ipagawas nga guidelines mao ang mga mosalmot sa party-list system of representation.
Matod niya, ang pag-file sa Certificate of Candidacy alang sa mga modagan sa Mayo 2025 magsugod sa Oktubre 1 hangtod 8 sa kasamtangang tuig.
Gipasabot sab sa tigpamaba sa Comelec nga lakip sa bag-ong guidelines ubos sa Comelec Resolution mao ang pagdili sa substitution sa mga kandidato human sa kataposang adlaw sa filing period.
Sa laing bahin, si Comelec Chief Erwin Garcia niingon nga ang guidelines naglakip usab sa mga aspirants nga miuyon sa Comelec sa pag-post sa ilang tagsa-tagsa ka CoCs sa website sa komisyon.
