Gumamela-inspired outfit ni Bea, nakakuha sa atensyon sa iyang pag-abot sa Puerto Rico

Miabot na sa Puerto Rico si Miss Universe Philippines Bea Millan-Windorski isip pagpangandam alang sa ika-75 nga edisyon sa Miss Universe pageant.

Gipaambit ni Bea ang iyang pag-abot sa maong nasud pinaagi sa social media, diin nagpakita siya og mabulukon nga sinina nga nagrepresentar sa ilhanan sa Pilipinas ug Puerto Rico—mga nasud nga susamang gilangkuban sa daghang mga isla.

Sa iyang post sa social media, iyang gipasabot nga ang iyang gisul-ob nadasig sa gumamela sa Pilipinas ug flor de maga sa Puerto Rico.

Diin ang maong sinina adunay mabulukon nga mga disenyo sa buwak ug estilo nga nagpasiugda sa koneksyon tali sa duha ka kultura.