CEBU CITY-Nakit-an ang usa ka habol nga giingong adunay lama sa dugo atol sa gipahiayon retrieval operation sa padayon nga pagpangita sa lawas sa napatay nga mayor Bien Unido Bohol nga si Gisela Boniel.
Sa pakighinabi sa Bombo Radyo kang PCI Jacinto Mandal ang nanguna sa retrieval operation,giingong niya nga posible nga mao kini ang habol nga gigamit sa pagputos sa lawas sa wala pa kini gitambog sa dagat.
Matud pa usab ni Mandal nga posible nga kini ang gigamit tungod kay nakita kini sa area kung diin gitudlo sa operator sa motorbanca kung diin mismo gisakay ang patayng lawas sa mayor.
Nakuha ang maong habol sa dagat nga may gilawmon nga 36 meters ug giingong nga nasangit kini sa usa coral.Dili na usab matino ang color sa maong habol tungod sa kadugay niini nga nakahumol sa dagat.
Sa karon ipa-ubos pa ang naasoyng habol sa eksaminasyon basi na usab sa lama dugo niini aron masuta kung dugo ba kini sa tao ug kung dugo kini ni Mayor Gisela Boniel.
Nasayran nga na ika-10 na ka diyas karon sa retrieval operation apan pakyas gihapon ang retrieval team nga maki-tan anglawas sa mayor.
Bisan paman gipasalig ni Mandal nga dili sila muhunong sapangpangita sa lawas sa mayor
