CEBU CITY — Milanat na og tulo ka adlaw ang pagkamatay sa dili muminos 600 ka mga isda sa fish pond sa South Road Property (SRP), sigon pa sa Bantay Dagat.
Matud sa pangu niini nga si Ariel Yburan nga nanglutaw na ang mga isda ug namurot na.
Pagtino usab ni Yburan nga kini tungod sa kainit sa panahon kung diin nag-anam og hubas ang tubig hinungdan nga wala nay oxygen ang mga isda ug sa kadaghanan niini mangamatay gyud kini.
Apan gipahimangno ni Yburan nga dili na mahimo nga kan-on pa kining mga isdaa sanglit makadaot na.
Kini tungod na usab kay duna’y mga pipila ang nanguha sa mga isda sa maong fishpond ug ang uban gibaligya pa.
Nasayran nga mga bangus ug tilapya ang mga nangamatay kung diin ang usa ka bangus mutimbang matud pa kini og lima ka kilo.
Hangtud karon wala pa nakuha ug nadispose ang mga isda ug wala na hinoon kini pasudli pa ni bisan kinsa sa SRP police.
