CEBU CITY – Hapit na mahurot og mabakunahan kontra COVID-19 ang tanang personnel sa Cebu City Jail Male Dormitory.
Kini ang gibutyag ni Jail Superintendent Jose Abueva, ang nagdumala sa maong Jail Dormitory.
Matud pa ni Abueva nga ang nahabilin nalang kay katung nipili nga dili magpabakuna diin 3% nalang kini ug 97% sa ilang mga tawo ang nabakunahan na.
Dugang pa niini nga adunay 115 ka mga tawo ang Cebu City Jail Male Dormitory nga magbantay sa 6,000 ka mga Persons Deprived of Liberty (PDL).
Sapagkakaron, nag-aabot pa silang si Abueva nga mohatag og bakuna ang City Government alang sa pagpabakuna sa mga PDLs.
Dugang pa niini nga ila nang gi-identify ang mga PDLs nga mahimong prayoridad sa pagpabakuna ilabi na kung available na kini.
Diin unahon niini ang mga senior citizen ug immunocompromised PDL, samtang ihinay-hinayun ang ubang PDLs depende sa availability sa bakuna.
Samtang, gitataw ni Abueva nga wala pay aktibong kaso sa COVID-19 ang maong pasilidad ilabi na sa ilang mga detainees ug mga personnel sulod sa city jail.// EKP
