Gitun-an karon sa kampo sa Hamas ang plano sa Amerika alang sa ceasefire sa Gaza.
Kini human ang usa ka taas nga opisyal sa Hamas miingon nga ang plano sa US kay napakyas sa pagtagbo sa ilang mga nag-unang gipangayo.
Una nang gipahibalo sa White House nga ang Israel mipirma sa plano nga gilatid ni United States Special Envoy to the Middle East Steve Witkoff ug naghulat na lamang sa pormal nga tubag gikan sa Hamas.
Sumala sa mga opisyal sa Israel, ubos sa 60 ka adlaw nga ceasefire, gilauman nga itugyan sa Hamas ang 10 ka buhi nga mga binilanggo ug ang mga patayng lawas sa 18 ka tawo sa duha ka hugna sa pagbayloay sa mga piniriso ug ang pagpagawas sa mga binilanggo nga Palestinian gikan sa mga gihuptan sa Israel.
Kahinumdoman nga ang Israel nagpahamtang og total blockade sa Gaza ug gipadayon ang opensiba sa militar niadtong Marso 18 human gibuak ang 2 ka bulan nga ceasefire nga gihimo sa Estados Unidos, Qatar ug Egypt.
