Gipahibalo sa Hamas nga ila usa nga ihunong ang pagpagawas sa ilang mga bihag nga Israeli.
Giakusahan sa militanteng grupo ang Israel nga nakalapas sa sa kasabutan sa ceasefire.
Ang pipila sa ilang mga akusasyon naglakip sa pagkalangan sa pagbalik sa mga nabakwit sa amihanang Gaza ug ang padayon nga pag-atake sa Israel sa Strip.
Apan, gipanghimakak kini sa Israel ug gibasol hinuon ang Hamas.
Matud ni Israeli Defense Minister Israel Katz nga giandam na niya ang iyang mga sundalo alang sa usa ka posible nga pagbalik sa kagubot.
Kahinumduman nga niadtong Enero, ang Hamas ug Israel nagkasabot sa pagpagawas sa mga hostage ug Palestinian inmates, diin ang ceasefire naglangkob sa upat ka bahin.
Ug ang kataposang bahin sa ceasefire mao ang kompletong pag-atras sa mga sundalong Israeli nga nadestino sa Gaza.
