CEBU CITY — Gipresentar ug gi-showcase sa Bureau of Jail Management and Penology (BJMP)-7 ang mga ginama nga handcrafted items sa mga piniriso gikan sa managlahing mga jail facility sa rehiyon 7.
Kabahin kini sa gitanyag nila nga livelihood program alang sa nga inmates diin gi-display ug gibaligya ang ilang mga hinimo sa Cebu City Hall, ug sa uban pang mga dapit.
Matud ni Jail Officer I Lorna Mae Lamego sa BJMP-7 nga ang proceeds o halin sa mga handcrafted items mopadulong sa mga piniriso alang sa ilang allowance.
Dugang pa ni Lamego nga makahigayon usab ang mga piniriso sa pagpakita sa ilang mga abilidad ug skills pinaagi sa ilang mga hinimo nga handcratfs ngadto sa mga customer.
Subay niini, nakadayeg ang pipila ka mga tawo nga nitan-aw sa mga butang nga ginama sa mga piniriso tungod sa kanindot niini.
Kini sama lang sa mga figurines, buwak, bags, ug uban pang mga hand-made crafts. (With reports by Bombo Jun Salde)
