Cebu City- All set na ang singing competition nga “Awit Alang sa mga Kabataan” ang Handog Pasasalamat sa Bombo Radyo ug Star FM Cebu sa Sinulog 2018.
Excited na ang mga 10 finalists sa finals night karong umaabot nga Lunes sa alas 8 sa gabii sa Basilica Minore Del Sto. Niño. Grabe na usab ang rehearal sa maong mga finalists.
“Give it all” sa audition pa lang ang mga aspiring singers sa estasyon sa Bombo Radyo Cebu kung diin gitagaan og pagtagad sa maong kompetisyong ang mga bata nga kabus.
Para sa ingon matagaan sila og oportunidad nga mapakita ang ilang talento ug mapamatud-an nga dili babag ang kakabus para makab-ot ang ilang mga pangandoy.
Samtang puspusan na usab ang pagpangandam sa mga contingents para sa Sinulog 2018 Grand Mardigras karong umaabot nga Dominggo.
30 ka mga contingents ang musalmot karong tuiga kung diin 12 niini ang para sa Sinulog Based Category ug 18 ay ang Free interpretation category.Samtang 15 usab ang tanang floats nga muapil sa Grand Parade
Nasayran nga mas daghan ang mga misalmot karon itandi sa mi-aging tuig ug ang makadaog niini sigurado nga makadawat og 1 milyon pesos.
