CENTRAL VISAYAS-Nahuman ang Barangay ug Sanguniang Kabataan Election karong tuiga nga labing hapsay ug malinawon sigun sa kapulisan ug sa Commission on Election nga walay election related incidents.
Matod ni Ivan Jason Delos Santos sa Comelec region 7 nga wala sila maka tala nga adunay wala ma ihap nga balota sa tanang clustered precinct sa tibuok Central Visayas ug na proklamar ang tanang migawas nga mananaog nga nagpasabot lang kini nga tunhay ang dagan sa piniliay.
Ang nahitabong gamay nga kaguliyang sa mga polling centers sama sa barangay Tisa dali ra kini nga nasulbad human mapasabot nga ang tanang ballot boxes gikan sa usa ka presinto maihap gyud kini ug dili matandog ang resulta sa piniliay.
Sa pikas bahin, gitino ni Dr. Salustiano Jimenez, ang Regional Director sa Deped Central Visayas, nga adunay ginagmay nga kakulian nga mitumaw apan dali ra kini nga nasulbad.
Dugang pa, nga wala sila maka dawat og report nga dunay kakulian sa kapin 47 mil ka mga magtutudlo ug non teaching personnel nga mi serve sa BSKE.
