Mikiha ang Harvard University aron babagan si U.S. President Donald Trump sa pag-freeze niini sa bilyon-bilyonga dollars sa federal funds kahuman gisalikway sa elite nga institution ang usa ka lista sa mga gipangayo sa White House nga giingon nga makadaot sa independensya niini.
Ang kaso nga gisang-at sa federal nga korte sa Boston miingon nga si Trump naglunsad og usa ka halapad nga pag-atake sa pondo alang sa cutting-edge nga panukiduki sa mga dagkong unibersidad samtang siya nagtinguha sa pagtangtang kanila sa iyang gihulagway nga anti-semitism ug ideological bias.
Basi sa kiha nga kini nga kaso naglambigit sa mga paningkamot sa Gobyerno sa paggamit sa pagpugong sa pederal nga pondo isip leverage aron makontrol ang akademikong paghimog desisyon sa Harvard.
Giakusahan sa Harvard nga ang mga aksyon sa administrasyon ni Trump arbitraryo ug supak sa balaod ug nakalapas sa mga katungod sa Unang Pag-amend sa unibersidad sa kagawasan sa pagsulti.
Ang tigpamaba sa White House nga si Harrison Fields miingon sa usa ka pahayag nga ang “gravy train sa federal assistance” sa mga institusyon sama sa Harvard hapit na matapos.
Dugang niini nga ang mga pondo sa magbubuhis usa ka pribilehiyo, ug ang Harvard napakyas sa pagtagbo sa sukaranang mga kondisyon nga gikinahanglan aron ma-access ang maong pribilehiyo.
