Gitubag sa aktres ug fashion influencer nga si Heart Evangelista ang mga nang-bash kaniya tungod sa pagsul-ob og kwintas nga nagkantidad og P11-million sa iyang iro nga si Panda.
Kini nga Serpenti Viper nga kwintas gikan sa koleksyon sa usa ka maluho nga brand sa alahas nga Bulgari.
Gireklamo sa mga netizen nga wala girespeto ni Heart ang craftsmanship sa sikat nga fashion brand tungod kay gigamit niya kini sa usa ka iro.
May mikomentaryo usab nga “insecure” lang ang aktres ug nag-cast og “shade” batok ni Miss Universe 2015 Pia Wurtzbach kinsa maoy Philippine brand ambassador sa maong brand sugod niadtong Hunyo 2024.
Kini tungod kay wala malilong sa kahibalo sa mga fans nga adunay nahitabong tensiyon tali sa kampo ni Heart ug Pia human mibalhin ang glam team sa aktres sa beauty-queen-turned-influencer karong tuiga.
Tubag ni Heart sa usa ka Live, iyaha ang maong kwintas aron mahimo niya ang bisan unsa nga gusto niya niini.
