Gipahinumdoman sa aktres ug Global Fashion Icon nga si Heart Evangelista ang mga netizen nga mahimong kritikal sa mga tawo nga ilang gidayeg ug gisundan sa social media.
Sa usa ka interbyu, miingon si Heart nga dili tanan nga makita online nagpakita sa tibuok personalidad sa usa ka tawo.
Matod niya, kung ang usa ka tawo daw “too good to be true,” dako ang posibilidad nga dili kini tinuod.
Gipasiugda usab niya nga adunay mga tawo nga daw buotan ug mahigalaon online apan lahi ang ilang pamatasan sa personal.
Naghatag usab siya og pahinumdom bahin sa kalampusan ug kabantog.
Sumala sa aktres, bisan unsa pa kataas ang naabot sa usa ka tawo, importante nga dili kalimtan kung asa sila nagsugod, magpabiling mapaubsanon, ug dili mohunong sa pag-uswag.
Giawhag usab niya ang mga tawo nga kalit nga nahimong sikat online nga dili tugotan ang ilang pag-viral sa social media nga makaapekto sa ilang pamatasan.
