Susamang misidlak ang Fashion Icon nga si Heart Evangelista ug Filipino-American content creator nga si Bretman Rock isip cover stars sa gilusad nga issue sa usa ka beauty brand magazine sa Pilipinas.
Sa usa ka video, gipaambit ni Heart ang lingaw nga behind-the-scenes sa ilang cover shoot sa social media.
Makita sa video nga ang duha nga naglingaw-lingaw ug nangatawa pa gani tali sa mga kuha, samtang nagpakita sa ilang grabeng pose atubangan sa lente sa inilang photographer nga si Mark Nicdao.
Sa cover photo sa duha sa social media, si Heart ug Bretman gihulagway nga ‘the perfect image of the modern Filipino’.
Bag-o lang mibisita si Bretman sa Pilipinas uban sa iyang uyab nga si Justin Fester, diin ilang gisuroy ang El Nido ug Bohol.
Sa iyang pagpauli, nahimamat usab niya ang iro ni Heart, si Panda, ingon man ang influencer nga si Mimiyuuuh.
